მწვანე ბანაკის ჩამოყალიბების იდეა ბავშების აღზრდის პროცესში დაიბადა, მას შემდეგ რაც პირადი დაკვირვების საფუძველზე გავიაზრეთ, რომ სკოლა და სკოლამდელი განათლება ბავშვს/მოზარდს არ აძლევს იმ საბაზისო და ძალიან მნიშვნელოვანი უნარების განვითარების შესაძლებლობას, რასაც ბანაკში ყოფნა მოიცავს.

​

პირველი "საბანაკო აქტივობები" მუსიკალური სკოლის ბავშვებისთვის ჩატარდა, რომლებიც გასტროლებზე საზღვაო კურორტზე იმყოფებოდნენ. აქტივობების დაგეგმვის იდეა მოულოდნელად გაჩნდა და საკმაოდ სახალისო და საინტერესო გამოვიდა. სწორედ აქიდან დაგვებადა იდეა, რომ მსგავსი ტიპის შეკრებისთვის ოფიციალური სახე მიგვეცა და ბანაკად ჩამოგვეყალიბებინა.

​

პირველ წელს მწვანე ბანაკი 3 ნაკადს მასპინძლობდა, ახლა კი წელიწადში 20 ნაკადისგან შემდგარი ზამთრისა და საზაფხულო ბანაკები არსებობს.

​

ბოლო ორი წლის განმავლობაში კი ბანაკს აქვს შესაძლებლობა ჰქონდეს საკუთარი აღჭურვილობა და ჰყავდეს პროფესიონალი ინსტრუქტორები, რაც საკმაოდ დიდი და წინ გადადგმული ნაბიჯია.